Inizi Friz an Hanternoz

Inizi Friz an Hanternoz, a-hed aodoù Alamagn ha Danmark

Skeudenn tennet eus ul loarell

Sylt

Inizi Friz an Hanternoz zo ur strollad enezennoù e Mor an Hanternoz, dispartiet diouzh an douar-bras gant Mor Wadden, a-hed aodoù hanternoz Alamagn ha kreisteiz Danmark. Emañ an inizi alaman e Kreis (arondisamant) Nordfriesland, e Schleswig-Holstein. Emaint ivez e Park broadel Mor Wadden.

An inizi danat en em astenn a-hed aod Jutland, en hanternoz d’an inizi alaman, zo e rannvro Syddanmark. Bremañ ne vez kaozeet frizeg nemet en inizi alaman, ken e virer an anv Inizi Friz an Hanternoz evito.

Enez Helgoland, zo kalz pelloc’h diouzh an douar-bras, a gonter ivez e-touez Inizi Friz an Hanternoz.

An inizi

• Inizi danat :
  • Langli
  • Fanø
  • Mandø
  • Rømø
  • Jordsand (beuzet e 1998-1999)

• Inizi alaman :
  • Sylt (Söl)
  • Föhr (Feer)
  • Amrum (Oomram)
  • Pellworm (Pälweerm)

hag enezennoùigoù a c’hall bezañ beuzet gant ar mor pa vez reverzhi vras (Halligen) :

• • Oland
  • Langeneß
  • Gröde
  • Habel
  • Hamburger Hallig
  • Hooge
  • Nordstrandischmoor
  • Norderoog
  • Süderoog
  • Südfall

Gwelet ivez

• Inizi Friz

Levrlennadur

• Friza an Hanternoz a-rez ar mor diroll, Jorj Gwegen, Al Liamm, niv. 201, p. 276